Video: वरखेडी नदीने धोक्याची पातळी ओलांडली

नंदुरबार जिल्ह्यात होत असलेल्या मुसळधार पावसामुळे जिल्ह्यातील नदी नाले प्रवाहित झाले आहेत. अंकलेश्वर ब्रहानपूर राष्ट्रीय महामार्गावरून वाहणारी वरखेडी नदी धोक्याची पातळी ओलांडली असून दुथडी भरून वाहत आहे आणखीन काही तास पाऊस असाच सुरू राहिला तर अंकलेश्वर ब्रहानपूर महामार्ग ठप्प होणार. त्यासोबत वरखडी नदीला लागून असलेल्या अनेक गावांच्या संपर्क देखील तुटणार आहे. पावसामुळे वाहतूक कोंडी देखील होत असून नंदुरबार शहराला पाणीपुरवठा करणाऱ्या विरचक धरणात देखील पाणी पातळी वाढ होत आहे त्यासोबत जिल्ह्यातील धरणांची देखील पाणी पातळी प्रचंड वाढ होत असल्याचे दिसून येत आहे. येणाऱ्या आणखी काही तास असाच पाऊस सुरू राहणार असल्याचा अंदाज हवामान खात्याकडून वर्तवण्यात आलेला आहे.