Vishalgad Fort: विशाळगडावर बकरीच्या कुर्बानीला Hight Court ची परवानगी; कोल्हापुरात हिंदुत्ववादी संघटना आक्रमक|VIDEO

रणजित माजगावकर, साम टीव्ही

कोल्हापूर: विशाळगडावर ईद आणि उरूस साजरा केल्यास उधळून लावू असा इशारा हिंदुत्ववादी संघटनांनी दिला आहे. बकरी ईदच्या निमित्ताने मुंबई हायकोर्टाने विशाळगडावर कुर्बानी देण्यास परवानगी दिली आहे. याबाबत काही नियम आणि अटी देखील हायकोर्टाने घालून दिले आहेत. मात्र याला हिंदुत्ववादी संघटनांनी विरोध करत आज कोल्हापूर जिल्हाधिकारी कार्यालयासमोर आंदोलन केले. बकरी ईदला अजून दोन दिवस आहेत सरकारने सर्वोच्च न्यायालयात जाऊन या निर्णयाच्या विरोधात दाद मागावी अशी मागणी देखील या आंदोलनाच्या माध्यमातून केली आहे. शिवाय उच्च न्यायालयात बाजू मांडताना सरकार कमी पडले असे देखील आंदोलकांचे म्हणणे आहे. त्यामुळे बकरी ईदच्या तोंडावर पुन्हा एकदा विशाळगडचा मुद्दा आक्रमक होत आहे.