Vidyanand bapat Protection : विद्यानंद बापट यांच्या आई-वडिलांनाही २४ तास पोलीस संरक्षण

अमोल कलये, साम टीव्ही | रत्नागिरी

Vidyanand Bapat parents police security in Ratnagiri : पुण्यातील गणेशोत्सवात डीजे, लाउडस्पीकर, रहदारीच्या रस्त्यांवरून विसर्जन मिरवणुकांवर बंदी घालण्याच्या मागणीचा दुराग्रह धरणाऱ्या विद्यानंद बापट यांच्या आई-वडिलांनाही २४ तास पोलीस संरक्षण देण्यात आलं आहे. विद्यानंद यांना मारहाण झाल्याच्या घटनेनंतर मुख्यमंत्री देवेंद्र फडणवीस आणि गृहमंत्रालयानं गंभीर दखल घेत त्यांना २४ तास संरक्षण देण्याचा निर्णय घेतला होता. आता त्याच्या आई-वडिलांच्या सुरक्षेची चिंता लक्षात घेऊन पोलीस प्रशासनाने त्यांनाही २४ तास संरक्षण देण्याचा निर्णय घेतला आहे.

विद्यानंद बापट यांच्यावर हल्ला झाल्यानंतर रत्नागिरीतील मूळ गावी असलेल्या चिंताग्रस्त आई-वडिलांनी तातडीने त्यांना फोन करून विचारपूस केली होती. तसेच विद्यानंदच्या डीजेबंदीच्या मुद्द्यालाही पाठिंबा दिला होता. विद्यानंद यांचे आई-वडील ते रत्नागिरीतील गोळप गावात राहतात. त्यांनाही पोलीस संरक्षण देण्यात आलं आहे. दोन पोलीस कॉन्स्टेबल २४ तास त्यांच्या घरासमोर तैनात असणार आहेत.