Vanchit Bahujan Aghadi Symbol : मोठी बातमी! निवडणूक आयोगाकडून विधानसभेसाठी वंचित बहुजन आघाडीला मिळालं नवीन चिन्ह, VIDEO

मुंबई : आगामी विधानसभा निवडणुकीची अनेक राजकीय पक्षांनी तयारी सुरू केली आहे. वंचित बहुजन आघाडीने आगामी विधानसभा निवडणुकीसाठी कंबर कसली आहे. याचदरम्यान, भारतीय निवडणुक आयोग सचिवालयाकडून एक पत्र जारी केलं. त्यामध्ये वंचित बहुजन आघाडीला विधानसभा निवडणुकीत राज्यातील सर्व विधानसभा मतदारसंघात 'गॅस सिलेंडर' चिन्ह दिल्याचे घोषित केलें आहे.

वंचित बहुजन आघाडीने आरक्षण बचाव यात्रेच्या माध्यमातून संपूर्ण राज्यात दौरा केला आहे. आगामी विधानसभा निवडणुकीसाठी वंचित बहुजन आघाडीने चाचपणी सुरु केली आहे. यातच राज्यातील सर्व विधानसभा मतदारसंघात निवडणुकीसाठी वंचित बहुजन आघाडीला गॅस सिलिंडर चिन्ह मिळालं आहे.