Vaishnavi Hagwane : वैष्णवी हगवणेच्या मारेकऱ्यांना अटक कधी होणार?

वैष्णवी हगवणे मृत्यू प्रकरणाला आठवडा उलटला आहे. मात्र, संशयित मारेकरी अजूनही मोकाटच आहेत. पुणे पोलीस नक्की करतात तरी काय? असा सवाल उपस्थित केला जात आहे. फक्त वैष्णवीचा पती शशांक, सासू लता हगवणे आणि नणंद हगवणेला अटक केली आहे. मात्र, सासरा राजेंद्र हगवणे आणि मोठा दीर सुशील हगवणे अजूनही पोलिसांना सापडलेला नाही. त्यामुळे पुणे पोलीस या प्रकरणात कुणाला वाचवण्याचा प्रयत्न करतायत का? असा सवाल विचारला जात आहे.

कारण, बीडच्या संतोष देशमुखांचा मारेकरी कृष्णा आंधळेही पाच महिन्यानंतरही मोकाटच आहे. पोलिसांच्या हाती तो लागत नाही. त्यामुळे यातून पोलिसांचा भोंगळ कारभार समोर आला आहे. दुसरीकडे, वैष्णवीची आत्महत्या नव्हे तर खून असून महिला आयोगाच्या अध्यक्षांनी कडक कारवाई करावी, अशी मागणी काँग्रेस नेते विजय वडेट्टीवार यांनी केली.