Vaishanvi Hagawane News : हायवेवर फिल्मीस्टाईल ताबा, वैष्णवीचं बाळ देणारा अज्ञात कोण?

Vaishanvi Hagawane News Upate : वैष्णवीच्या मृत्यूनंतर तिचे नऊ महिन्यांचे बाळ पोरके झाले होते. बाळ निलेश चव्हाण नावाच्या व्यक्तीकडे असल्याचा दावा वैष्णवीच्या मामाने केला होता. निलेश हा वैष्णवीचा पती शशांक हगवणेचा बिझनेस पार्टनर असून, तो कर्वेनगरातील औदुंबर सोसायटीत राहतो. याप्रकरणी मुख्यमंत्री देवेंद्र फडणवीस यांनी बाळाला तातडीने कुटुंबाकडे सुपूर्द करण्याचे आदेश दिले. अखेर बाणेर हायवेवर एका अज्ञात व्यक्तीने बाळ वैष्णवीच्या कुटुंबीयांकडे सोपवले.

वैष्णवीच्या कुटुंबीयांनी सांगितले की, एका अज्ञात व्यक्तीने फोन करून बाळ त्यांच्याकडे असल्याचे सांगितले आणि बाणेर हायवेवर बाळ देण्यासाठी बोलावले. तिथे बाळ सुखरूप प्राप्त झाले. “आम्हाला खूप आनंद झाला, बाळाला आयुष्यभर सांभाळू,” अशी भावना वैष्णवीचे वडील आनंद कस्पटे यांनी व्यक्त केली. त्यांनी आरोपींना लवकर पकडण्याची मागणी केली. याप्रकरणी वैष्णवीचे वडील आनंद कस्पटे (५१) यांनी १६ मे रोजी बावधन पोलिस ठाण्यात फिर्याद दिली. शशांक, त्याची आई लता, नणंद करीश्मा यांना अटक झाली असून, सासरे राजेंद्र आणि दीर सुशील यांचा पोलिस शोध घेत आहेत.