मोदींच्या मनात पाप असलं तरी.., मी त्यांना दुश्मन मानत नाही; उद्धव ठाकरे नेमकं काय म्हणाले?

मातोश्रीवर आज शिवसेना ठाकरे गटाचे पक्षप्रमुख उद्धव ठाकरेंनी पत्रकार परिषद घेतली. त्यापूर्वी धाराशिवच्या काही कार्यकर्त्यांनी शिवसेना ठाकरे गटात पक्षप्रवेश केला. यावेळी पंतप्रधान नरेंद्र मोदी यांच्याबाबतीत त्यांनी भाष्य केलं. पंतप्रधान नरेंद्र मोदी यांचा उद्या वाढदिवस आहे. ते ७५ वर्षांच्या होतायेत. या बाबत उद्धव ठाकरे म्हणाले, 'मोदी माझे कुणी दुश्मन नाही. मी त्यांना माझं दुश्मन मानतच नाही. मोदी जरी मला दुश्मन मानत असले तरी, मी त्यांना दुश्मन मानत नाही. ते ज्या पद्धतीनं शिवसेना संपवायला निघाले आहेत, हे कुणीही राजकारणी सहन करू शकत नाही. मोदींच्या मनात पाप जरी असले तरी, मी त्यांना शुभेच्छा देतो', असं उद्धव ठाकरे म्हणाले.