Thackeray Brothers : ठाकरे बंधूंची पुन्हा भेट, नेमकं कारण काय?

Raj Thackeray | Uddhav Thackeray : ठाकरे बंधूंची पुन्हा एकदा भेट झाल्यामुळे राज्याच्या राजकारणात पुन्हा एकदा युतीच्या चर्चेला जोर आलाय. गेल्या काही दिवसांपासून राज ठाकरे आणि उद्धव ठाकरे यांच्यामध्ये सातत्याने भेट होत आहे. कधी सण तर कधी कौटुंबिक कारणामुळे दोन्ही भावांमध्ये भेट होत आहे. आगामी बीएमसी निवडणुकीच्या तोंडावर या भेटी होत असल्यामुळे मनसे-शिवसेनेची युती होणार का? असा सवाल उपस्थित होत आहे.

राज ठाकरे आणि उद्धव ठाकरे यांच्याकडून अनेकदा युतीवर सकारात्मक भाष्य करण्यात आले आहे. एकत्र राहण्यासाठी सोबत आलो आहोत, असं वक्तव्य उद्धव ठाकरेंनी केले होते. त्याशिवाय राज ठाकरेंनीही मराठीच्या मुद्द्यावर सर्व बाजूला ठेवून एकत्र यायला हवं, असे स्पष्ट केले होते. त्यामुळे स्थानिक स्वराज्य संस्थांच्या निवडणुकीत नवी युती होणार का? याबाबतची चर्चा सुरू झाली आहे. आज राज ठाकरे अचानक मातोश्रीकडे रवाना झाले आहेत. ही भेट नेमकी कोणत्या कारणामुळे होत आहे? याबाबत कार्यकर्त्यांमध्ये चर्चा सुरू झाल्या आहेत.