मजूर महिलांना घेऊन जाणाऱ्या रिक्षाला पिकअपची धडक, दोघींचा जागीच मृत्यू, ५-६ गंभीर | VIDEO

जळगाव जिल्ह्यातील अमळनेर-चोपडा मार्गावर भीषण अपघात झाला. यात दोन महिलांचा जागीच मृत्यू झाला आहे. तर यात पाच ते सहा महिला गंभीर जखमी झाल्या आहेत.

अमळनेर-चोपडा मार्गावरील अमळगाव येथे हा अपघात घडला. रिक्षा आणि पिकअप वाहनाची जोरदार धडक झाली. समोरासमोर धडक झाल्यानं रिक्षाच्या पुढच्या भागाचा चक्काचूर झाला. या अपघातात दोन मजूर महिलांचा मृत्यू झाला. मजूर महिला अमळगावकडे रिक्षातून जात होत्या. त्याचवेळी गावाजवळच पिकअप वाहनानं समोरून धडक दिल्याची प्राथमिक माहिती आहे. ही धडक इतकी भीषण होती की रिक्षाच्या पुढच्या भागाचा चक्काचूर झाला. रिक्षातील दोन मजूर महिलांचा मृत्यू झाला. तर इतर पाच ते सहा महिला गंभीर जखमी झाल्या आहेत. त्यांना अमळनेर आणि धुळे येथील खासगी रुग्णालयांमध्ये उपचारासाठी दाखल करण्यात आले आहे.