Ashadhi Wari: संत तुकाराम महाराजांच्या भजनात वारकरी दंग|VIDEO

आषाढी वारीच्या पाश्वभूमीवर संत श्री तुकाराम महाराज पालखी सोहळा आज देहूपूरती परंपरेनुसार पूजाआर्चा झाल्यानंतर पंढरपूरकडे प्रस्थान ठेवणार आहे. आज सकाळी संत तुकाराम महाराज यांच्या पादुकांची विधिवत पूजा करण्यात आली. त्यानंतर त्या दर्शनासाठी मंदिरात ठेवण्यात आल्या. यावेळी संत तुकाराम महाराजांचे वंशज रामभाऊ मोरे यांनी पादुकांचं दर्शन घेतलं आणि विठ्ठलाच्या मूर्तीवरून हात फिरवताना त्यांचे डोळे पाणावले.

दरम्यान, दुपारी २.३० वाजता देहू येथील मुख्य देऊळवाड्यातून पालखी पंढरपूरकडे मार्गस्थ होणार आहे. यंदाचा हा ३४०वा पालखी सोहळा असून,संपूर्ण महाराष्ट्रातून आलेल्या वारकऱ्यांच्या ५०० हून अधिक दिंड्या देहूत दाखल झाल्या आहेत. अभंग, भजन, कीर्तनांच्या गजरात भक्तिरसात न्हालेलं वातावरण आहे. पोलिस प्रशासनानेही योग्य बंदोबस्त तैनात केला असून, भाविकांना कोणतीही अडचण न येता वारीचा आनंद घेता येईल, यासाठी व्यवस्था करण्यात आली आहे.