Tukaram Nira Snan : आजीसोबत वारीत आलेला गोविंद वाहून गेला, नीरा स्नानवेळी दु:खद घटना

Tukaram Maharaj Palkhi: जगद्गुरु संत श्रेष्ठ तुकाराम महाराजांचा पालखी सोहळा आज पुणे जिल्ह्यातील इंदापूर तालुक्यातील सराटी गावातील शेवटचा मुक्काम आटोपून नीरा नदीमध्ये पादुकांना पवित्र स्नान घालण्यात आले. पण यावेळी एका दु:खद घटना घडली.

संत तुकाराम पालखी सोहळ्यात आज सकाळी नीरा नदीत आंघोळीसाठी गेलेला मुलगा वाहून गेला. यामुळे तुकाराम महाराज यांच्या पालखी सोहळ्यावर दुखाचा डोंगर कोसळला.

गोविंद फोके असं वाहून गेलेल्या चिमुकल्याचे नाव आहे. तो १५ वर्षाचा आहे. आजी सोबत पंढरीच्या वारीसाठी १५ वर्षांचा गोविंद आला होता. नीरा नदीत पाण्याच्या भोवऱ्यात अडकल्याने तो वाहून गेला. जालना जिल्ह्यातील अंबड तालुक्यातील जिरपी गावातील तो होता. एका होमगार्ड त्याला वाचवण्याचा प्रयत्न केला मात्र तो वाहून गेला. आता एन डी आर एफ आणि अग्निशमन पोलिस मुलाचा तपास करत आहेत.

सोमवारी ३० जूनला इंदापूर तालुक्यातील सराटी गावात पालखी मुक्कामी विसावला होता. आज मंगळवारी १ जुलै रोजी सकाळी ७ वाजून १० मिनिटांनी देहू संस्थांच्या वतीने व स्थानिक प्रमुख ग्रामस्थ, मान्यवरांच्या हस्ते नीरा नदी पात्रात पादुकांना शाही स्नान घालण्यात आले.