Thane News : कळवा रूग्णालयाच्या परिसरात अल्पवयीन मुलीचा विनयभंग, पाहा VIDEO

मुंबई : ठाण्यातून एक संतापजनक घटना समोर आलीय. कळवा रूग्णालयाच्या परिसरामध्ये एका दिव्यांग मुलीचा विनयभंग केल्याचा धक्कादायक प्रकार समोर आलाय. या प्रकरणी पोलिसांनी एका आरोपीला ताब्यात घेतलंय. पीडित मुलगी अल्पवयीन असल्याची माहिती मिळतेय. नराधमानं संधी साधत रूग्णालयाच्या आवारात असलेल्या उद्यानामध्ये अल्पवयीन मुलीसोबत गैरप्रकार केलाय. या घटनेमुळे ठाण्यात मोठी खळबळ उडाली आहे.

बदलापूरमधील लैंगिक अत्याचाराची घटना ताजी असताना ठाण्यातून ही घटना समोर आलीय. प्रदीप शेळके, असं या नराधमाचं नाव आहे. सुरक्षारक्षकाच्या सतर्कतेमुळे आरोपीला वेळीच ताब्यात घेण्यात आलंय. घटनेमुळे ठाण्यात संतापजनक वातावरण आहे. कळवा रूग्णालयाच्या परिसरात अल्पवयीन मुलीचा विनयभंग झालेला आहे. पोलिसांनी आरोपीला जेरबंद केलंय. घटनेमुळे ठाण्यात महिलांच्या सुरक्षेचा प्रश्न पुन्हा एकदा ऐरणीवर आलाय.