Shaktipeeth Expressway : शक्तीपीठ महामार्ग नको, शेतकऱ्यांनी नोटिसांची केली होळी

महाराष्ट्रातील १२ जिल्ह्यांना जोडणाऱ्या महत्वाकांक्षी शक्तीपीठ महामार्गाला शेतकऱ्यांचा तीव्र होत असतानाच, आता स्वाभिमानी शेतकरी संघटनेने या महामार्गाविरोधात आंदोलन केले आहे. सांगलीत आज, गुरुवारी स्वाभिमानी शेतकरी संघटनेच्या कार्यकर्त्यांनी आंदोलन केले. आंदोलनात सहभागी झालेल्या संतप्त शेतकऱ्यांनी नागपूर-गोवा शक्तीपीठ महामार्गाच्या हरकतींबाबत पाठवण्यात आलेल्या नोटिसांची होळी केली.

शक्तीपीठ महामार्ग रद्द न केल्यास हातात बंदुका घेऊ, असा निर्वाणीचा इशाराही आंदोलक शेतकऱ्यांनी दिला. स्वाभिमानी शेतकरी संघटनेचे जिल्हाध्यक्ष महेश खराडे यांच्या नेतृत्वाखाली हे आंदोलन करण्यात आलं. यावेळी केंद्र आणि राज्य सरकारच्या विरोधात जोरदार घोषणाबाजी केली. केवळ भ्रष्टाचारासाठी हा महामार्ग तयार करण्यात येत असल्याचा आरोप त्यांनी केला.