निवडणुकांमध्ये पैशांचा आणि हेलिकॉप्टरचा वापर होतोय; सुप्रिया सुळे संतापल्या, निवडणुका रद्द करण्याची मागणी|VIDEO

राज्यातील नगरपालिका आणि नगरपंचायतींच्या निवडणुकांमध्ये पैशांचा अवाढव्य वापर आणि हेलिकॉप्टरचा वापर होत असल्याचा गंभीर आरोप खासदार सुप्रिया सुळे (Supriya Sule) यांनी केला आहे. लोकसभा, विधानसभेला हेलिकॉप्टर पाहिले, पण स्थानिक निवडणुकीत हे पहिल्यांदाच पाहतेय, असे म्हणत त्यांनी चिंता व्यक्त केली आहे. मतांसाठी पैशांचा गैरवापर आणि मतदारांना आमिष दाखवले जात असल्याचा दावा करत, सुप्रिया सुळे यांनी संपूर्ण निवडणूक प्रक्रियाच रद्द करण्याची मागणी निवडणूक आयोगाकडे केली आहे. हा मुद्दा आपण संसदेतही मांडणार असल्याचे त्यांनी स्पष्ट केले. लोकशाहीसाठी ही बाब घातक असल्याचे मत त्यांनी व्यक्त केले आहे.