Video
Jalna News: वादळी वाऱ्याचा कहर जालना जिल्ह्यात शेतकऱ्याच्या घराचे पत्रे उडाले; पाहा व्हिडिओ
Heavy Winds Hit Jalna Village: जालन्यातील धारकल्याण शिवारात काल सायंकाळच्या सुमारास वादळी वाऱ्यासह पावसाने हजेरी लावली.
अक्षय शिंदे, साम टीव्ही
जालना जिल्ह्यातील धारकल्याण शिवारात काल (७ जून) सायंकाळच्या सुमारास अचानक आलेल्या वादळी वाऱ्याने कहर केला. जोरदार वाऱ्याच्या झोतासह झालेल्या पावसामुळे धारकल्याण येथील शेतकरी रंगनाथ भुतेकर यांच्या घरावरील पत्रे उडाली असून, त्यांच्या संपूर्ण संसारावर संकट कोसळले आहे.
या पावसामुळे भुतेकर यांच्या घरातील साठवलेले अन्नधान्य, संसारोपयोगी वस्तू तसेच दुचाकीचे मोठे नुकसान झाले आहे. घरावरचे छत उडाल्याने सध्या त्यांचा संपूर्ण संसार उघड्यावर आला आहे.विशेष म्हणजे, सध्या खरीप हंगामाची पेरणी सुरू होण्याचा काळ असून, अशा वेळी घराचे छप्पर उडाल्यामुळे शेतकरी आर्थिक अडचणीत सापडला आहे.
रंगनाथ भुतेकर यांनी शासनाकडे तात्काळ पंचनामे करून आर्थिक मदत देण्याची मागणी केली आहे. अन्यथा येणाऱ्या काळात शेतकरी कुटुंबाला मोठ्या संकटांचा सामना करावा लागेल, अशी भीती त्यांनी व्यक्त केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.