Solapur News: तुमचे देव शैतान आहेत, त्यांना पाण्यात टाकून आमचा धर्म स्वीकारा; सोलापुरातील कथित फादर विरोधात गुन्हा|VIDEO

विश्वभूषण लिमये, साम टीव्ही

सोलापूर: तुमचे देव शैतान आहेत, त्यांना पाण्यात टाकून आमचे धर्म स्वीकारा. तुम्हाला 10 हजार रुपये दिले जातील. असे आमिष दाखवून धर्मांतरसाठी दबाव टाकणाऱ्या एका कथित फादर विरोधात सोलापुरात गुन्हा दाखल करण्यात आला आहे. रवी फादर असे या 55 वर्षीय कथित फादरचे नाव आहे. सोलापुरातील सेटलमेंट परिसरात एका पत्र्याच्या शेडमध्येच रवी याने चर्च थाटले होते. परिसरात राहणाऱ्या महिलांना तुम्ही या चर्चमध्ये येतं जा, तुमचा देव शैतान आहे. तो तुमचे कल्याण करणार नाही. त्यामुळे त्या देवाला पाण्यात टाकून आमचे देव स्वीकारा तुम्हाला 10 हजार रुपये दिले जातील. अशा पद्धतीने आमिष दाखवत होता.

20 जुलै रोजी असाच प्रकार घडल्यानंतर सेटलमेंट परिसरात राहणाऱ्या महिलांनी हिंदू महासभेच्या कार्यकर्त्यांशी संपर्क केला. यावेळी रवी याने तयार केलेल्या चर्चमध्ये काही महिला बसल्या होत्या. त्यांना आरोपी रवी फादर हा वाईन सदृश्य लाल रंगाचे पेय आणि ब्रेड खाण्यासाठी देत होता असा आरोप देखील यावेळी करण्यात आला. दरम्यान या प्रकरणी आरोपी कथित फादर रवी फादर याच्या विरोधात सोलापूरच्या सलगर वस्ती पोलीस ठाण्यात गुन्हा नोंद करण्यात आला असून पोलीस पुढील तपास करत आहे.