Solapur-Mumbai Flight : सोलापूरकरांसाठी आनंदाची बातमी! आजपासून सुरु होणार सोलापूर-मुंबई विमानसेवा | VIDEO

बहुप्रतीक्षित सोलापूर-मुंबई विमानसेवा सुरू होण्याचा मुहूर्त निश्चित झाला आहे. आज सोलापूर-मुंबई दरम्यान विमानसेवा सुरू होणार आहे. या विमानसेवेमुळे सोलापूरकरांना राज्याची आर्थिक राजधानी मुंबईशी थेट आणि जलद हवाई संपर्क मिळणार असून, व्यापारी, उद्योजक, विद्यार्थ्यांसह भाविकांसाठीही या नव्या सेवेमुळे प्रचंड सोय सुविधा मिळणार आहेत. सोलापूरहून विमान दुपारी 12 वाजून 55 मिनिटांनी मुंबईकडे प्रस्थान करणार आहे. तर मुंबईहून दुपारी 2 वाजून 45 मिनिटांनी सोलापुरकडे प्रस्थान करणार आहे. मात्र प्रवाशांच्या सोयीच्या दृष्टीने ही वेळ गैरसोयीची ठरत असल्याचे सांगण्यात येत आहे. त्यामुळे विमानसेवेच्या वेळेत बदल करण्याची मागणी प्रवाशांकडून जोर धरत आहे.