Mumbai To Solapur: सोलापूरकरांसाठी खुशखबर! मुंबई-सोलापूर विमानसेवा 'या' तारखेपासून सुरू

सोलापूर: सोलापूरकरांचे स्वप्न लवकरच सत्यात उतरणार आहे. येत्या 15 ऑक्टोबर रोजी सोलापूर-मुंबई विमानसेवेची सुरुवात होणार आहे. यावेळी पहिले प्रवासी म्हणून मुख्यमंत्री देवेंद्र फडणवीस सोलापूर येथे येणार असल्याची माहिती मिळाली आहे.

याबाबत पालकमंत्री जयकुमार गोरे यांनी माहिती दिली असून, भाजप आमदार देवेंद्र कोठे यांनीही ही बातमी माध्यमांना दिली आहे. उद्या पालकमंत्री गोरे पत्रकार परिषद घेऊन या विमानसेवेच्या अधिक माहिती पत्रकारांना देतील, असे सांगण्यात आले आहे.

सोलापूरकरांसाठी ही एक आनंदाची घटना ठरणार असून, मुंबईशी जलद संपर्कासाठी ही विमानसेवा महत्त्वपूर्ण ठरणार आहे.