Ajit Pawar Case: 'लहान भावाचा काटा काढण्यात मोठ्या भावाचा हात', संजय राऊतांचा भाजपवर घणाघात

दिवंगत माजी मुख्यमंत्री अजित पवार यांच्या विमान अपघातावरून ठाकरेसनेचे खासदार संजय राऊत यांनी फडणवीस सरकारवर टीका केली. 'लहान भावाचा काटा काढण्यात मोठ्या भावाचा हात आहे का?', असा खळबळजनक सवाल ठाकरेसेनेचे खासदार संजय राऊत यांनी उपस्थित केला आहे. मित्राच्या मृत्यूबाबत गुन्हा का दाखल होत नाही?, असा प्रश्न विचारत त्यांनी फडणवीस सरकारवर निशाणा साधला. इतर प्रकरणांमध्ये तात्काळ गुन्हे दाखल होतात, मग या प्रकरणात विलंब का?, असा सवालही त्यांनी उपस्थित केला. या विधानामुळे राज्यातील राजकीय वातावरण पुन्हा तापलं आहे.

संजय राऊत यांनी सांगितले की, 'अजित पवार यांच्या विमान अपघात प्रकरणात एफआयआर दाखल व्हावी हीच मागणी हर्षवर्धन सपकाळ, रोहित पवार आणि आकाश मोरे यांची आहे. ही मागणी सुनेत्रा पवार आणि पार्थ पवार यांनी करावी. मुख्यमंत्री म्हणतात खोलवर जाऊन तपास करू पण एफआयआर दाखल करत नाहीत. या मागण्याचा विचार केला तर महाराष्ट्रवर उपकार होतील. एफआयआर दाखल करा तुम्ही का पळताय? जिवाभावाचा मित्र तुम्ही अजित पवार यांना म्हणता तर मग चौकशी करा. मोठा भाऊ तुम्ही स्वतः ला म्हणता तर लहान भावाच्या अपघाताची चौकशी करा.'