Maharashtra Politics : शरद पवार गटाच्या आमदाराच्या मुलाचं अपहरण करून मारहाण; राजकीय वर्तुळात खळबळ, VIDEO

पुणे : पुण्यातील शिरुर हवेली मतदारसंघातील शरद पवार गटाचे उमेदवार अशोक पवार यांच्या मुलाचे अपहरण करून मारहाण केल्याची घटना घडली आहे. प्रचारावेळी अपहरण करून विवस्त्र करून मारहाण केल्याची घटना उघडकीस आली आहे. तसेच त्या ठिकाणी एका स्त्रीला आणून तिला विवस्त्र करून फोटो काढण्यात आले आल्याचा धक्कादायक प्रकार समोर आला आहे. शिरून तालुक्यातील मांडगवण फाराटा येथे ही घटना घडली आहे.

शिरुर तालुक्यातील मांडगवण फराटा येथे अशोक पवार यांच्या मुलाला बेदम मारहाण करण्यात आल्याची घटना घडली आहे. ऋषीराज पवार असे आमदार अशोक पवार यांच्या मुलाचे नाव आहे. शिरूर पोलीस स्टेशनमध्ये तक्रार देण्यात आली असून गुन्हा दाखल करण्याचे काम सुरू आहे. याबाबत अशोक पवार कायदेशीर सल्ला घेऊन पुण्यात पत्रकार परिषद घेऊन खुलासा करणार असल्याची माहिती मिळत आहे.