Shrinivas Vanga News : मध्यरात्रीच्या सुमारास घरी परतलेले वनगा पुन्हा अज्ञातवासात; पत्नीने केला मोठा खुलासा | Video

तिकीट नाकारल्याने नाराज होऊन मागील 36 तासांपासून अज्ञातवासात असलेल्या श्रीनिवास वनगा यांचा कुटुंबीयांशी संपर्क झाला आहे. मध्यरात्री तीन वाजेच्या सुमारास श्रीनिवास वनगा घरी येऊन आपल्या पत्नीशी चर्चा करून पुन्हा आपल्या नातेवाईकांकडे गेल्याची माहिती त्यांच्या पत्नीने दिली आहे.

शिवसेना शिंदे गटाकडून तिकीट न मिळाल्याने श्रीनिवास वनगा हे गेल्या ३६ तास नॉट रीचेबल होते. ते कुठे गेले आहेत याबाबत कुटुंबियांसह कोणालाच माहिती नव्हती. मात्र काळ मध्यरात्री त्यांनी घरी येऊन आपल्या पत्नीशी चर्चा केली. त्यानंतर ते पुन्हा आपल्या मित्रांसोबत बाहेर निघून गेले. यावेळी वनगा यांच्या पत्नी सुमन वनगा यांनी श्रीनिवास वनगा हे सध्या बोलण्याच्या मनस्थितीत नसल्याने ते घरी थांबले नसल्याच सांगत आणखीन चार ते पाच दिवसांनी ते सुखरूप घरी परततील अशी माहिती दिली आहे. तर श्रीनिवास वनगा यांच्यासह आम्ही सध्या प्रसार माध्यमांसमोर बोलण्याच्या मानसिकतेत नसल्याच सांगत आमदारांची मनस्थिती ठीक झाल्यावर ते स्वतः प्रसारमाध्यमांसमोर येतील, त्यामुळे प्रसार माध्यमांनी देखील आम्हाला आत थोडी प्रायव्हसी द्यावी अशी विनंती सुमन वनगा यांनी केली आहे.

Edited By Rakhi Rajput