Maratha Protest: साईनगरी शिर्डीतून मराठा आंदोलकांसाठी चटणी-भाकरीची शिदोरी | VIDEO

मनोज जरांगे पाटील यांना पाठिंबा देत मुंबईत आंदोलनात सहभागी झालेल्या मराठा समाज बांधवांसाठी साईबाबांच्या शिर्डीतून चटणी भाकरीची शिदोरी रवाना करण्यात आली आहे. शिर्डी शहरातील सकल मराठा समाज बांधवांच्या वतीने चटणी भाकरी पोहच करण्यात येत असून घराघरातून चटणी भाकरी जमा करण्यात आली आहे. मराठा आरक्षणाची मागणी करत मुंबईत आंदोलन करणाऱ्यांची खाण्यापिण्याची अडचण निर्माण झाली आहे.

त्यामुळे राज्यभरातील गावागावातून त्यांना मदतीचा ओघ सुरू झाला आहे. शिर्डी शहर वासियांच्यावतीने मुंबईतील मराठा समाज बांधवांना जेवणासाठी शिदोरी पाठवली जातेय. शंभूराजे प्रतिष्ठान आणि सकल मराठा समाज बांधवांच्यावतीने चटणी भाकरीची शिदोरी मुंबईला रवाना केली जात असून शेकडो समाज बांधवांनी पाणी चटणी भाकरी आंदोलकांसाठी पाठवली आहे. शिर्डी शहरात देखील सकल मराठा समाज बांधवांच्यावतीने आमरण उपोषण केलं जाणार आहे.