शिर्डीमध्ये साईबाबांच्या चरणी गुरुपौर्णिमेचा उत्सव मोठ्या उत्साहात आणि भक्तिभावात साजरा करण्यात आला. देशभरातून आणि परदेशातून आलेल्या लाखो भाविकांच्या उपस्थितीत संपूर्ण शिर्डी परिसर भक्तिमय वातावरणाने भारलेला होता. या विशेष प्रसंगी साई संस्थानला तब्बल 6 कोटी 31 लाख रुपयांचे रोख दान मिळाल्याची अधिकृत माहिती आहे. यामध्ये रोख रक्कमेसह सोनं, चांदी व विविध वस्तूंच्या देणग्यांचा समावेश आहे.
गुरुपौर्णिमेनिमित्त संस्थानच्या वतीने विविध धार्मिक कार्यक्रमांचे आयोजन करण्यात आले होते. त्यामध्ये सकाळी कीर्तन, प्रवचन, पालखी सोहळा, महाआरती, भजन आणि सांस्कृतिक कार्यक्रम यांचा समावेश होता. साई मंदिर परिसरात दिवसभर भक्तांची मोठी गर्दी पाहायला मिळाली. दर्शनासाठी रांगा तब्बल ५ किलोमीटरपर्यंत पोहोचल्या होत्या.
भाविकांची संख्या लक्षात घेता साई संस्थान आणि स्थानिक प्रशासनाने चोख व्यवस्था केली होती. वैद्यकीय पथक, पिण्याच्या पाण्याची व्यवस्था आणि आपत्कालीन सेवा याही तितक्याच सज्ज होत्या. साईबाबांच्या चरणी अर्पण केलेल्या भक्तीचा हा सोहळा संपूर्ण शिर्डीत एक आध्यात्मिक उर्जेचा अनुभव ठरला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.