CM Eknath Shinde Video : शिवसैनिकांनी अडवला मुख्यमंत्री एकनाथ शिंदे यांचा ताफा, पाहा व्हिडिओ

मुंबई : मुख्यमंत्री एकनाथ शिंदे यांचा ताफा कुलाबा मतदारसंघातील शिवसैनिकांनीच अडवला आहे. मुख्यमंत्र्यांचा ताफा अडवत स्थानिक विभागअध्यक्ष दिलीप नाईक यांना पदावरुन हटवण्याची मागणी केली आहे.

शिवसैनिकांनी दक्षिण मुंबईला वाचवण्याची मागणी मुख्यमंत्री एकनाथ शिंदे यांच्याकडे केली. या प्रकारामुळे शिवसेना पक्षातील अंतर्गत नाराजी पहिल्यांदाच रस्त्यावर उघड झाली आहे. मुख्यमंत्री सह्याद्रीतून बाहेर पडताच शिवसैनिकांनी ताफा रोखला. आगामी विधानसभा निवडणुकीच्या आधीच शिंदे गटातील अंतर्गत वाद चव्हाट्यावर आल्याने राजकीय वर्तुळात चर्चांना उधाण आलं आहे.