पुण्याचे माजी महापौर आणि राष्ट्रवादी काँग्रेसचे (शरद पवार गट) माजी शहराध्यक्ष प्रशांत जगताप यांनी काँग्रेस पक्षात प्रवेश केला आहे. वानवडी प्रभागातून त्यांनी नगरसेवक पदासाठी आपला उमेदवारी अर्ज दाखल केला आहे. यावेळी बोलताना प्रशांत जगताप म्हणाले, मी साडे सव्वीस वर्षे पक्षाला दिलेत, माझ्या आयुष्यातला खूप मोठा वेळ दिला आहे. पण बाहेर पडत असताना आपण कुठेही भाजपमध्ये किंवा जातिवादी पक्षात जायचं नाही, हा माइंडसेट क्लियर होता. शिवाजी महाराज, महात्मा फुले, शाहू महाराज आणि डॉ. बाबासाहेब आंबेडकर यांच्या विचारधारेवर चालण्यासाठी आपण काँग्रेसमध्ये प्रवेश केल्याचे त्यांनी स्पष्ट केले. दोन्ही राष्ट्रवादी काँग्रेस एकत्र येत असल्याच्या पार्श्वभूमीवर त्यांनी हा निर्णय घेतला असून, जुन्या पक्षातील नेत्यांबद्दल कोणताही आकस नसल्याचेही त्यांनी नमूद केले. आगामी महापालिका निवडणुकीत काँग्रेसच्या विचारधारेवर विजय मिळवण्याचा विश्वास त्यांनी व्यक्त केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.