वेगळ्या विदर्भाची मागणी पुन्हा एकदा राजकीय वर्तुळात चर्चेचा विषय ठरली आहे. विदर्भातील नेत्यांकडे राज्याचे नेतृत्व असूनही या भागाचा विकास खुंटल्याचा आरोप करण्यात आला आहे. नागपूर येथे होणारे हिवाळी अधिवेशन केवळ सात दिवसांचे असल्याने ते 'बोगस' असल्याची टीका करण्यात आली आहे. या अधिवेशनात विदर्भाला न्याय मिळणार का, असा सवाल उपस्थित केला जात आहे. तसेच, विरोधी पक्षनेत्याची निवड अद्याप झालेली नाही, यावरून सरकारवर निशाणा साधण्यात आला आहे. तपोवनातील झाडे तोडण्याचा प्रश्न, वाढता ड्रग्जचा विळखा आणि शेतकऱ्यांच्या आत्महत्या यांसारख्या गंभीर मुद्द्यांवर सरकारला घेरण्याची तयारी करण्यात आली आहे. 'हाय कमांड'कडे वेगळ्या विदर्भाची मागणी लावून धरली जाईल आणि विदर्भातील ओबीसी, आदिवासी व इतर समाजाला न्याय मिळवून देण्यासाठी प्रयत्न केले जातील, असेही स्पष्ट करण्यात आले आहे.
वेगळ्या विदर्भाचा मुद्दा पुन्हा चांगलाच पेटण्याची चिन्हे दिसत आहेत. काँग्रेसचे वरिष्ठ नेते विजय वडेट्टीवार यांनी “वेगळा विदर्भ झाला पाहिजे” अशी ठाम मागणी केलीय. त्यांनी महाराष्ट्रात एका विशिष्ट समाजाचे प्राबल्य वाढल्याचा आरोपही केला. या पार्श्वभूमीवर विरोधकांच्या बैठकीत वेगळ्या विदर्भाच्या प्रश्नावर सविस्तर चर्चा होणार असल्याचे वडेट्टीवार यांनी स्पष्ट केले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.