कबुतरांना दाणे टाकण्यास अटकाव केल्याने झालेल्या वादातून एका वृद्ध नागरिक व त्यांच्या मुलीवर लोखंडी रॉडने जबरी मारहाण केल्याची धक्कादायक घटना घडली आहे. ठाकूर मॉलजवळील डीबी ओझोन इमारतीत राहणारे महेंद्र पटेल (६९) रविवारी सकाळी दूध आणण्यासाठी गेले असता, हा प्रकार घडला. महेंद्र पटेल यांनी परिसरात कबुतरांना दाणे टाकणाऱ्यांना असं करू नका, असे सांगितल्याने वाद निर्माण झाला आणि चार आरोपींनी लोखंडी रॉडने महेंद्र पटेल आणि त्यांच्या मुलीवर हल्ला केला. महिलेला गळा दाबून मारहाण करण्यात आली.
या प्रकरणी भाईंदर येथील काशिमिरा पोलीस ठाण्यात गुन्हा दाखल करण्यात आला आहे. पोलिसांनी चौघांविरुद्ध गुन्ह्याची नोंद करत तपास सुरू केला आहे.
कबुतरांची विष्ठा, पिसे आदींमुळे आजार वाढण्याचा धोका असल्याने मुंबई उच्च न्यायालयाने यापूर्वी कबुतरखान्यांवर कारवाईचे आदेश दिले आहेत. मात्र, तरीही अनेक ठिकाणी कबुतरांना खुलेआम दाणे टाकले जात असल्याने नागरिकांमध्ये अशा घटनांमुळे अस्वस्थता निर्माण होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.