मंत्री मार खातायत, आता वाघ गेले कुठे? साताऱ्यातील राड्यावरून ठाकरेंच्या आमदाराने मंत्री देसाईंना डिवचलं|VIDEO

सातारा जिल्हा परिषद अध्यक्षपदाच्या निवडीवरून आज विधानसभेत चांगलाच गदारोळ पाहायला मिळाला. साताराच्या जिल्हा परिषदेत संख्याबळ नसूनही भाजपने रडीचा डाव खेळत आपला अध्यक्ष बसवला. त्यासाठी पोलीस अधिक्षकांनी मदत केल्याचा आरोप शंभुराज देसाई यांनी केला. त्यानंतर शिवसेना मंत्र्यांनी उपमुख्यमंत्री एकनाथ शिंदे यांच्या दालनात आक्रमक पवित्रा घेतला. यावरच ठाकरे गटाचे आमदार अनिल परब यांनी शिंदेंच्या मंत्र्यांनी डिवचले. मंत्री शंभुराज देसाई मार खाता आहेत आणि हे साधे भाजपचे नाव घ्यायला देखील घाबरत आहेत. भाजप तुम्हाला चिरडते आहे. तुम्ही फक्त मार खाता आहे. राष्ट्रवादी काँग्रेस पक्षाचा मंत्र्याने देखील मार खाल्ला असे म्हणत परब साताऱ्यातील वादावरून सभागृहात टोलेबाजी केली.