Railway Bharti 2024 : भारतीय रेल्वेत तब्बल 10 हजार 844 पदांसाठी भरती, असा करा अर्ज

नोकरीच्या शोधात असलेल्या तरुणांसाठी आनंदाची बातमी आहे. भारतीय रेल्वेत लवकरच तब्बल 10 हजार 844 पदांसाठी मेगाभरती होणार आहे. यासाठी बारावी पास आणि पदवीधर उमेदवारांना अर्ज करण्यात आले आहेत. लवकरच ही भरतीप्रक्रिया सुरु होणार असून इच्छुक उमेदवारांनी अर्ज करावेत, असं सांगण्यात आलं आहे.

आनंदाची बाब म्हणजे, अधिसूचनेत जारी केलेल्या जागांमध्ये देखील वाढ होण्याची शक्यता आहे. दरम्यान, एकूण 10 हजार 844 पदांमधील 3 हजार 404 पदे ही बारावी पास उमेदवारांसाठी आहे. तर 7 हजार 479 पदे ही पदवीधारक उमेदवारांसाठी ठेवण्यात आली आहे.

बारावी पास उमेदवारांसाठी वयाची मर्यादा 18 ते 30 इतकी ठेवण्यात आली आहे. तर पदवी उतीर्ण उमेदवारासाठी 18 ते 33 इतकी वयोमर्यादा आहे. अर्ज करण्याची सुरुवात आणि शेवटची मुदत लवकरच जाहीर केली जाईल, असं सांगण्यात आलं आहे.