ऐन निवडणुकीपूर्वी संजय राऊतांचा राहुल गांधींना फोन? काय चर्चा झाली? VIDEO

मुंबईतील आगामी निवडणुकांच्या पार्श्वभूमीवर महाविकास आघाडी एकत्र राहावी यासाठी शिवसेना (उद्धव बाळासाहेब ठाकरे) गट आग्रही असल्याची माहिती समोर येत आहे. याच अनुषंगाने खासदार संजय राऊत आणि काँग्रेस नेते राहुल गांधी यांच्यात आज फोनवरून चर्चा झाल्याचे सुत्रांकडून समजते. मुंबईत महाविकास आघाडी एकत्र राहावी आणि काँग्रेस पक्षानेही सोबत यावे, यासाठी शिवसेनेचे प्रयत्न सुरू आहेत. मात्र काँग्रेस पक्षाने मुंबईत स्वबळावर निवडणूक लढवण्याचा नारा दिला आहे. तरीही आगामी निवडणुका महाविकास आघाडी म्हणूनच एकत्र लढल्या गेल्या पाहिजेत, यासाठी संजय राऊत यांनी आज राहुल गांधी यांच्याशी थेट फोनवरून चर्चा केल्याची माहिती आहे. या चर्चेमुळे महाविकास आघाडीच्या पुढील राजकीय भूमिकेकडे लक्ष लागले आहे.