मतदान केंद्राबाहेर आमचा भगवा स्कॉड; बेकायदेशीर काही दिसले की जागेवर फोडणार; संजय राऊतांचा इशारा

29 महापालिकेचे भवितव्य आज मतपेटीत कैद होणार असून राज्यात मतदान पार पडत आहे. मात्र या मतदान प्रक्रियेत प्रचंड गोंधळाचे चित्र निर्माण झालेय. मतदानाच्या मध्यरात्री ठिकठिकाणी प्रचंड पैशांचा पाऊस पाडला यामध्ये अनेकजण भिजले. तसेच मतदान करून आल्यावर काहीवेळातच शाई पुसली जात आहे. दुबार मतदार देखील आढळून येत आहे. यावरच ठाकरे गटाचे खासदार संजय राऊत यांनी सरकार आणि निवडणूक आयोगावर हल्लाबोल चढवला आहे. मतदान केंद्राच्या बाहेर आमचे कार्यकर्ते म्हणजे भगवा स्कॉड आम्ही उभा केला आहे. जर बेकायदेशीर काही आढळून आले तर आम्ही जागेवर त्याला फोडू असा कडक इशारा त्यांनी दिला. तसेच ठाकरे बंधू एकत्र आल्याने सर्व मराठी माणूस हा एकवटला आहे असे संजय राऊत म्हणाले.