सांगली मध्ये भर दिवसा धूम स्टाईलने चोरट्यांनी 40 तोळे सोन्याची दागिने लुटले आहेत. शहरातील पुष्पराज चौकातील कर्मवीर पाटील पतसंस्थेच्या समोर एका वृद्धाचे ४० तोळे सोन्याची दागिने असलेली बॅग लंपास केली आहे. सकाळी सव्वा दहाच्या सुमारास ही घटना घडली आहे. ही घटना सीसीटीव्ही मध्ये कैद झाली आहे.
धनचंद्र भाऊराव सकळे वय 65 हे पाटबंधारे खात्यातील निवृत्त अधिकारी आहेत. कर्मवीर पतसंस्थेचे ते जुने खातेदार आहे. संस्थेत त्यांनी दागिने ठेवण्यासाठी लॉकर घेतला होता. त्यांच्या घरात लग्न असल्यामुळे त्यांनी दागिने घरात आणले होते. त्यानंतर दागिने परत संस्थेत ठेवण्यासाठी ते आपल्या गाडीतून निघाले आणि पतसंस्थेजवळ त्यांनी आपली गाडी थांबवली.
गाडीचा दरवाजा उघडून ते बाहेर पडले. तेवढ्यात मागून आलेल्या एका दुचाकीस्वाराने त्यांच्या हातातील बॅग हिसकाऊन धूम ठोकली. याबाबत सकळे यांनी सांगली येथील विश्रामबाग पोलीस स्थानकात गुन्हा दाखल केला असून अधिकचा तपास पोलीस करत आहे. या घटनेमुळे स्थानिकांमध्ये भीतीचे वातावरण निर्माण झाले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.