Jalna News : संभाजीराजे जरांगे पाटलांच्या भेटीला

मनोज जरांगे पाटील यांच्या उपोषणस्थळी जाऊन संभाजीराजे छत्रपती यांनी भेट घेतली आहे. जरांगे पाटील ही गेल्या काही महिन्यांपासून मराठा आरक्षणाच्या मुद्द्यावरून उपोषण करत आहे. ही त्यांच्या उपोषणाची सहावी वेळ आहे. जरांगे यांची प्रकृती खालावली असतानाही ते आपल्या मागण्यांवर ठाम असून उपोषण मागे घेण्यास तयार नसल्याने आता मराठा आंदोलक आक्रमक झाले आहे. याच पार्श्वभूमीवर सोमवारी संभाजीराजे छत्रपती यांनी जालन्यातील अंतरवली सराटी येथे जरांगे यांच्या उपोषण स्थळी जाऊन त्यांची भेट घेत त्यांच्या प्रकृतीची चौकशी केली आहे. त्यांचे उपोषण सोडवण्यासाठी अनेक नेत्यांकडून सध्या प्रयत्न करण्यात येत आहे.

मराठा आंदोलक मनोज जरांगे पाटील यांच्या आमरण उपोषणाचा आजचा सातवा दिवस आहे. मराठा समाजाला ओबीसीमधून आरक्षण मिळावं या मागणीसाठी जालन्यातील अंतरवाली सराटीत मनोज जरांगे पाटील यांचे आमरण उपोषण सुरू आहे. प्रकृती खालावलेली असताना देखील जरांगे उपोषण मागे घेण्यास तयार नसल्याने आता यावर सरकार काय निर्णय घेणार याकडे सगळ्यांचं लक्ष लागलं आहे.