Sambhajinagar News : संभाजीनगरमध्ये राडा, पोलिसांकडून सौम्य लाठीचार्ज, पाहा Video

छत्रपती संभाजीनगरमध्ये तूफान राडा झाला आहे. यावेळी एमआयएमच्या कार्यकर्त्यांवर सौम्य लाठीचार्ज करण्यात आला आहे. या सर्व नागरिकांना पांगवण्याचं मोठं आव्हान सध्या पोलीसांसमोर आहे.

विधानसभा निवडणूक निकालाची मतमोजणी आज सुरू आहे. यात सांभाजीनगर पूर्व विधानसभा मतदारसंघात अतुल सावे विरुद्ध इम्तियाज जलील अशी लढत झाली. यावेळी एमआयएमच्या कार्यकर्त्यांनी गोंधळ घातल्याने त्यांच्यावर सौम्य लाठीचार्ज करावा लागला आहे. हा जमाव एवढ्या मोठ्या प्रमाणात आहे की, त्यांना पांगवण्याचं मोठं आव्हान संभाजीनगरच्या पोलीसांसमोर आहे. पोलीसांची मोठी कुमक घटना स्थळी दाखल करण्यात आली आहे. काही वेळापूर्वी इम्तियाज जलील आघाडीवर होते. त्यानंतर आता याठिकाणी अतुल सावे यांचा विजय निश्चित झाला असला तरी परिस्थिती चिघळली आहे. मात्र या राड्या मागचं कारण काय आहे, हे अद्याप समजू शकलेलं नाही.

Edited By Rakhi Rajput