सदाभाऊ खोतांची पंचाईत, शेतकऱ्यांनी बांध्यावर थांबूही दिलं नाही; थेट हिशोबच मागितला | VIDEO

सोलापुरातील माढा तालुक्यात संततधारेमुळे प्रचंड नुकसान झालंय. अनेक नेते मंडळींनी माढा तालुक्यात जाऊन शेतकऱ्यांची व्यथा जाणून घेतली. रयत क्रांती संघटनेचे अध्यक्ष सदाभाऊ खोत यांनीही माढा तालुक्यात जाऊन शेतीसह शेतकऱ्यांची विचारपूस करण्याचा प्रयत्न केला. मात्र, खोतांवर शेतकऱ्यांनी संताप व्यक्त केला. यावेळी आमदार खोत यांनी काढता पाय घेतला.

माढा तालुक्यात पुरस्थिती निर्माण झालीय. उंदरगाव येथे पूर बाधित शेतकरी आणि ग्रामस्थांची व्यथा जाणून घेण्यासाठी खोत त्या ठिकाणी पोहोचले. मात्र, पूर पाहणी दौरा अर्धवट सोडून खोतांना उंदरगावातून काढता पाय घ्यावा लागला. सत्तेत असून मदत का मिळत नाही? असा प्रश्न शेतकऱ्यांनी सदाभाऊ खोत यांनी विचारला. '२०१४ च्या लोकसभेला आम्ही तुम्हाला १-१ रूपये देऊन मदत केली. आम्ही अडचणीत असताना तुम्ही रिकाम्या हाताने का येता?', असा सवाल त्यांनी उपस्थित केला.