Nashik News: नाशिक शिक्षक मतदारसंघात बोगस नोंदणी

Nashik News: नाशिक शिक्षक मतदारसंघात शेकडो बोगस शिक्षक मतदारांची नोंदणी झाल्याचा गंभीर आरोप अपक्ष उमेदवार विवेक कोल्हे यांनी केलाय. सर्व बोगस शिक्षक मतदार नोंदणी झालेले मतदार विद्यमान आमदारांच्या शिक्षण संस्थेतील असल्याचाही विवेक कोल्हे यांचा दावा आहे. ९ वी पास, गॅरेजमधील कामगार, शेतकरी, व्यापारी, जिल्हा बँकेतील कर्मचारी, कपड्यांच्या दुकानात काम करणाऱ्यांची शिक्षक मतदार म्हणून बोगस नोंदणी झाल्याचे आरोप त्यांनी केलेत. अपक्ष उमेदवार विवेक कोल्हे यांचे किशोर दराडे यांच्यावर नाव न घेता गंभीर आरोप केलेत. निवडणूक प्रशासनाकडे या संदर्भात पुराव्यानिशी तक्रार करून दाद मागणार असं विवेक कोल्हे यावेळी म्हणालेत. बोगस मतदारांनी मतदान करू नये अन्यथा त्यांच्यावर फौजदारी स्वरूपाची कारवाई होऊ शकते, विवेक कोल्हे यांनी बोगस मतदारांना इशारा दिलाय. याशिवाय विद्यमान आमदारांच्या शिक्षण संस्थेत लाखो रुपयांचा स्कॉलरशिप घोटाळा झाल्याचाही कोल्हे यांचा आरोप. दरम्यान या संदर्भात विवेक कोल्हे यांच्याशी बातचीत केलीय आमचे प्रतिनिधी अभिजीत सोनवणे यांनी