बेफाम पर्यटकांचा प्रताप समोर, भरधाव वेगात समुद्रकिनारी धावणारी थार गाडी अचानक उलटली अन्...; पाहा व्हिडिओ

रत्नागिरी जिल्ह्यातील कर्दे समुद्रकिनारी पुन्हा एकदा बेफाम पर्यटकांचा प्रताप समोर आला आहे. भरधाव वेगात समुद्रकिनारी धावणारी थार गाडी अचानक उलटल्याची घटना सीसीटीव्ही कॅमेऱ्यात कैद झाली आहे. पर्यटकांचा असा बेपर्वा आणि धोकादायक प्रकार केवळ जीवितास धोका निर्माण करत नाही, तर समुद्रकिनाऱ्यावर येणाऱ्या इतर पर्यटकांनाही संकटात टाकतो. स्थानिक नागरिकांनी या घटनांवर तीव्र नाराजी व्यक्त केली असून, प्रशासनाकडून कडक कारवाईची मागणी केली आहे. या घटनेनंतर पुन्हा एकदा समुद्रकिनाऱ्यावर सुरक्षेच्या नियमांची अंमलबजावणी करण्याचा प्रश्न ऐरणीवर आला आहे.