Rajkot Fort VIDEO: आधी केस ओढले, नंतर चापट्या मारल्या; राजकोट किल्ल्यावरच महिला कार्यकर्त्यांमध्ये हाणामारी

राजकोट किल्ल्यावर मोठा राडा झाला. शिवसेना ठाकरे गट आणि नारायण राणे यांच्या समर्थकांमध्ये सिनेस्टाईल हाणामारी झाली. यावेळी दोन्ही गटातील महिला पदाधिकाऱ्यांनी देखील एकमेकांना मारहाण केली. या मारहाणीचा व्हिडीओ समोर आला आहे. व्हिडीओत तुम्ही पाहू शकता, की शिवसेना ठाकरे गट आणि राणे समर्थक महिला एकमेकांना मारहाण करताना दिसून येत आहे. यामुळे परिसरात तणावाचं वातावरण निर्माण झालंय.

सध्या पोलिसांकडून हा वाद मिटवण्याचे प्रयत्न सुरू आहे. या राड्यात दोन्ही गटातील कार्यकर्त्यांसह काही पोलीस देखील जखमी झाले आहेत. महाराजांचा पुतळा कोसळला. या सर्व प्रकरणाची पाहणी करण्यासाठी आज महाविकास आघाडीचे नेते किल्ल्यावर गेले होते. यामध्ये जयंत पाटील, अंबादास दानवे, आदित्य ठाकरे यांच्यासह थानिक आमदार वैभव नाईक यांचा समावेश होता.

त्यावेळी रत्नागिरी-सिंधुदुर्गचे मतदारसंघाचे खासदार नारायण राणे आणि त्यांचे पुत्र निलेश राणेही तिथेच उपस्थित होते. जेव्हा अदित्य ठाकरे आणि मविआचे नेते किल्ल्यावर पोहचले. तेव्हा राणे समर्थकांनी जोरदार घोषणाबाजी केली. यावरून वाद सुरू झाला आणि नंतर वादाचे रुपांतर हाणामारीत झाले.