VIDEO : मराठी भाषेबद्दल राज ठाकरेंचं मोठं वक्तव्य

केंद्र सरकारने मराठी भाषेला अभिजात भाषेचा दर्जा दिल्यानंतर शुक्रवारी एका कार्यक्रमानंतर माध्यमांशी बोलताना मनसे अध्यक्ष राज ठाकरे यांनी मराठी भाषा आणि मराठी चित्रपटांबद्दल भाष्य केलं आहे. मराठी चित्रपट सर्वानी आवर्जून बघायला हवेत असं त्यांनी म्हंटलं आहे.

यावेळी बोलताना राज ठाकरे यांनी म्हंटलं आहे की, 'काही गोष्टी आपण समजून घेतल्या पाहिजेत, जसा बंगाली माणूस हा कुठेही गेला तरी संध्याकाळी घरी गेल्यावर तो बंगाली संगीत ऐकतो, तसंच मराठी माणसाने देखील या प्रकारची सवय लावून घेतली पाहिजे. मागणी तसा पुरवठा होत असतो, असं म्हणत राज ठाकरे यांनी केंद्र सरकारचं पंतप्रधान नरेंद्र मोदी आणि त्यांच्या सर्व सहकाऱ्यांचे आभार मानून गेल्या अनेक वर्षापासूनच्या मागणीला आता मूर्त स्वरूप आलं असल्याचं म्हंटलं आहे.