Maharashtra Politics: थोडी वाट पाहा! राज आणि उद्धव ठाकरे एकत्र येण्यावर फडणवीसांची मिश्किल प्रतिक्रिया, VIDEO

महाराष्ट्राच्या राजकारणात मनसे आणि शिवसेना ठाकरे गटाच्या युतीच्या चर्चांनी जोर धरला आहे. या चर्चा मागचं कारण म्हणजे मनसे अध्यक्ष राज ठाकरे यांनी शिवसेना ठाकरे गटाबरोबर एकत्र येण्यासाठी कुठलीही अडचण नसल्याचे सांगितले. राज ठाकरे म्हणाले, मराठी माणसांच्या अस्तित्वासाठी आमच्यातील वाद किरकोळ असल्याचा राज ठाकरे यांनी म्हटलं यावर सर्वच राजकीय स्तरातून प्रतिक्रिया यायला सुरुवात झाली. यावरच मुख्यमंत्री देवेंद्र फडणवीस म्हणाले, दोन्ही ठाकरे जर एकत्र आले तर आम्हाला आनंदच आहे. कोणीही आपल्यातील मतभेद विसरून एकत्र येत असेल तर यामध्ये काहीही वाईट वाटण्याचा कारण नाही. मला असं वाटतं की आमचे माध्यम जे आहेत ते त्यावर जरा जास्त विचार करत आहेत. त्यामुळे वाट पाहा दोन्ही ठाकरे एकत्र आले तर आम्ही स्वागत करू अशी मिश्किल प्रतिक्रिया देवेंद्र फडणवीस यांनी दिली.