'साधूंच्या नावाखाली संधीसाधूपणा करू नका', तपोवन वृक्ष तोडप्रकणात राज ठाकरे संतापले

'साधूंच्या नावाखाली संधीसाधूपणा करू नये', असा थेट शब्दांत हल्लाबोल करत मनसे प्रमुख राज ठाकरे यांनी तपोवन परिसरातील वृक्ष तोड प्रकरणावरून राज्य सरकारवर निशाणा साधला. उद्योगपतींच्या घशात जागा घालण्यासाठी संधीसाधूपणा सुरू आहे, असा आरोपही राज ठाकरे यांनी सरकारवर केला.

सध्या नाशिकमध्ये कुंभमेळ्यासाठी जय्यत तयारी सुरू आहे. राज्य सरकारमधील नेत्यांकडूनही तयारी केली जात आहे. यासाठी नाशिकच्या तपोवन येथील १८०० झाडे तोडण्यात येणार असल्याची माहिती आहे. यानंतर नाशिककर तसेच पर्यावरण प्रेमी आक्रमक झाले. यानंतर राज ठाकरे यांनीही या प्रकरणावर संताप व्यक्त केला. वेळ पडल्यावर आम्ही रस्त्यावर उतरू, असा इशाराही यावेळी राज ठाकरेंनी दिला.