Raj Thackeray: 'विधानसभेत सगळे खोक्या भाईच भरलेत' राज ठाकरेंच्या निशाण्यावर नेमकं कोण? VIDEO

विधानसभेच्या निवडणुकीत यंदाही महाराष्ट्र नवनिर्माण सेनेला मोठा पराभवाचा सामना करावा लागला. यामध्ये मनसे प्रमुख राज ठाकरे यांनी संदीप देशपांडे, अविनाश जाधव आणि त्यांचे पुत्र अमित ठाकरे यांना देखील उमेदवारी दिली होती. मात्र त्यांना देखील विजय पत्कारवता आला नाही. संपूर्ण राज्यात मनसेचा एकच आमदार होता तो म्हणजे राजू पाटील त्यांचा देखील यावेळेस दारुण पराभव झाला. यानंतर आज राज ठाकरे यांनी भाकरी फिरवली आहे. पक्षात मोठे फेरबदल केले असून मुंबईच्या अध्यक्षपदी संदीप देशपांडे तर अमित ठाकरे यांना मनसे शाखाध्यक्ष पद दिले आहे. दरम्यान राज ठाकरे यांनी कार्यकर्त्यांशी संवाद साधला. राज ठाकरे म्हणाले, तुम्ही एक खोक्या भाई काय घेऊन बसलाय खोक्याभाईंनी तर अख्खी विधानसभा भरली आहे. विधानसभेत सगळे खोकेवभाईच भरले आहे. तुम्हाला भलत्याच विषयात भरकटवलं जातं मूळ प्रश्न बाजूला राहतात. अशी टिका राज ठाकरे यांनी सध्याच्या राजकीय परिस्थितीवर केली.