शिंदेंच्या बालेकिल्ल्यात राज ठाकरेंचा रोडशो, ठाणेकरांना काय आवाहन करणार? पाहा व्हिडिओ

स्थानिक स्वराज्य संस्था निवडणुकीच्या प्रचाराची सुरवात झाली असून प्रत्येक पक्ष आपापल्या परीने प्रचाराला लागलाय. मनसेकडून स्वतः राज ठाकरे यांनी कंबर कसली असून आज कल्याण डोंबिवलीनंतर ठाण्यातील मनसे शाखांना भेटी देत तसेच मनसे कार्यालयाचे उद्घाटन करत राज ठाकरे प्रचार करत आहेत. ठाण्यातील कोपरी भागातील अष्टविनायक चौकातुन याची सुरवात केली असून जवळपास 16 शाखांना राज ठाकरे भेटी देणार आहेत. राज ठाकरेंच्या स्वागतासाठी शेकडो कार्यकर्त्यांनी गर्दी होती. उद्घाटनानंतर राज ठाकरे शिवसेनेचे उद्धव ठाकरे गटाचे नेते राजन विचारे यांच्या शाखेला भेट देण्यासाठी रवाना झाले आहेत. तसेच एकनाथ शिंदे यांच्या बालेकिल्ल्यात ठाणे येथील वागळे इस्टेटसह नौपाडा आणि घोडबंदर भागात राज ठाकरेंचा भव्य रोडशो होणार आहे.