Raj Thackeray News : आगामी विधानसभा निवडणुकीत मनसे किती जागा लढवणार? राज ठाकरे म्हणाले...

वैदेही कानेकर, साम टीव्ही मुंबई

मुंबई : लोकसभा निवडणुकीच्या निकालानंतर आता सर्वच राजकीय पक्षांनी विधानसभा निवडणुकीची तयारी सुरू केली आहे. मनसे अध्यक्ष राज ठाकरे यांनी मुंबईत पदाधिकाऱ्यांची बैठक घेतली. वांद्रे येथील एमआयजी क्लबमध्ये ही बैठक पार पडली. या बैठकीनंतर राज्य ठाकरे यांनी माध्यमांसोबत संवाद साधला. राज्य ठाकरे म्हणाले, "विधानसभा निवडणुकीच्या दृष्टीने आजची बैठक होती. या बैठकीमध्ये नेते मंडळींना ठरवून कामे दिली आहेत. जुलैमध्ये माझा महाराष्ट्र दौरा आहे आहे".

दरम्यान, विधानसभा निवडणुकीत नेमक्या किती जागांवर मनसे उमेदवार देणार? असा प्रश्न पत्रकारांनी राज ठाकरे यांना विचारला. यावर उत्तर देताना हे मी आताच सांगणार नाही. वेळ आली की तुम्हाला कळेल, असं म्हणत वेळ मारून नेली.