Marathi Language: तुमची मुले कोणत्या शाळेत शिकली? गुणरत्न सदावर्ते यांचा राज ठाकरेंना सवाल

मुंबईत येणाऱ्या प्रत्येकाला मराठी भाषा शिकण्याची गरज नाही असं वक्तव्य राष्ट्रीय स्वयंसेवक संघाचे नेते भय्याजी जोशी यांनी केले होते. त्यावरून चांगलाच वाद पेटला. त्यानंतर यावरून राज ठाकरे यांनी भय्याजी जोशी यांचा चांगलाच समाचार घेतला. यानंतर भय्याजी जोशींच्या समर्थनार्थ गुणरत्न सदावर्ते हे मैदानात उतरल्याचे पाहायला मिळाले. सदावर्ते यांनी राज ठाकरे यांना थेट सवाल केला की तुमची मुले कोणत्या शाळेत शिकले? तुमची मुलं ही कॉन्व्हेंट आणि इंग्लिश मीडियम मध्ये शिकली आहे असे बोलून गुणरत्न सदावर्ते यांनी भैय्याजी जोशी यांच्या विधानाला समर्थन दिले.

काय म्हणाले होते भय्याजी जोशी

मुंबईची कुठलीही एक भाषा नाही. मुंबईच्या अनेक भाषा आहेत. वेगवेगळ्या परिसरात विविध भाषा बोलल्या जातात. घाटकोपरची भाषा गुजराती आहे. तर गिरगावमध्ये हिंदी बोलणारे कमी आहेत. तिथे मराठी भाषा बोलणारे लोक आढळतील. मुंबईत येणाऱ्या व्यक्तीने मराठी शिकले पाहिजे असे काही नाही.असे वक्तव्य भय्याजी जोशी यांनी एका कार्यक्रमात केले होते.