Raj Thackeray Speech: मुख्यमंत्री पदासाठी नव्हे तर भूमिकेसाठी विरोध! राज ठाकरेंचा उद्धव ठाकरेंना सुनावलं

मुंबई : मुख्यमंत्रीपद मिळालं नाही, म्हणून मी मोदींवर टीका केली नाही, असं म्हणत उद्धव ठाकरेंना (Uddhav Thackeray) राज ठाकरेंनी सुनावलंय. भूमिका पटली नाही म्हणून मी मोदींना विरोध केला होता, असं स्पष्टीकरण राज ठाकरेंनी (Raj Thackeray Speech) दिलंय. मोदींनी बिनशर्त पाठिंबा दिल्यानंतर राज ठाकरेंनी उद्धव ठाकरे आणि संजय राऊत यांच्यावर हल्लाबोल केला. तुम्हाला सत्तेतून हाकलवलं, तुमचा पक्ष फुटला म्हणून तुम्ही आता विरोध करत असल्याचं राज ठाकरेंनी सुनावलंय. २०१९ साली मुख्यमंत्रीपदावरुन वाढलेल्या तणावामुळे शिवसेना आणि भाजपची युती तुटली होती. त्यावरुन राज ठाकरे यांनी उद्धव ठाकरे यांच्यावर घणाघाती टीका केली.