Maharashtra Politics: राज आणि उद्धव ठाकरे पुन्हा एकत्र, यावेळेस काय ठरले निमित्त पाहा VIDEO

उद्धव आणि राज ठाकरे हे पुन्हा एकदा एकत्र आल्याचे दिसून आले. याला निमित्त होते ते म्हणजे संजय राऊत यांच्या नातीचं बारसं. मुंबईच्या वांद्रे येथील एमसीए क्लब येथे संजय राऊत यांच्या मुलीच्या मुलीचा बारशाचा सोहळा पार पडला. या कौटुंबिक कार्यक्रमाला दोन्ही ठाकरे बंधू उपस्थित होते. याठिकाणी हे सर्व अत्यंत मनमोकळेपणाने गप्पा मारताना दिसले. यामुळे पुन्हा एकदा राजकीय चर्चांना उधाण आले आहे. तसेच या सोहळ्याला खासदार सुप्रिया सुळे देखील उपस्थित होत्या. मराठीच्या मुद्द्यावर ठाकरे बंधु एकत्र आल्यानंतर मनसे आणि शिवसेनेच्या कार्यकर्त्यांमध्ये जल्लोषाचे वातावरण निर्माण झाले आहे. तसेच यंदाच्या दसरा मेळाव्यामध्ये देखील उद्धव ठाकरे यांनी आपल्या वाक्याचा पुनरुच्चार केला की, एकत्र आलोय एकत्र राहण्यासाठी यामुळे आगामी स्थानिक निवडणूका ठाकरे बंधु एकत्र लढतील अशी चिन्हे दिसत आहे.