ZP Election Exit Poll : रायगड जिल्हा परिषदेत शिंदेसेना मोठा पक्ष; शेतकरी कामगार पक्षाला धक्का, एक्झिट पोलच्या अंदाजाने खळबळ

राज्यातील २९ महापालिका निवडणुकीनंतर आता जिल्हा परिषदांच्या निवडणुकीचे एक्झिट पोल समोर येऊ लागले आहेत. रायगड जिल्हा परिषदांच्या निवडणुकीच्या एक्झिट पोलने शिंदे गटाला मोठा दिलासा दिलाय. रायगड जिल्हा परिषदेत शिंदेसेना सर्वाधिक मोठा पक्ष ठरण्याची शक्यता आहे. तर शेतकरी कामगार पक्षाला मोठा धक्का बसणार असल्याचे पाहायला मिळत आहे. रायगडमध्ये ५९ जागा होत्या. त्यातील शिंदे गटाला २५ जागा मिळण्याची शक्यता आहे. तर भाजपला १७ जागा मिळण्याची शक्यता आहे. अजित पवारांच्या राष्ट्रवादी काँग्रेसला ११ जागा मिळण्याचा अंदाज आहे. शेकापला निव्वळ २ जागांवर समाधान मानावे लागणार आहे, असा एक्झिट पोलचा अंदाज समोर आला आहे.