Jallindar Supekar: एका परवान्यासाठी तब्बल २० लाख रुपये घेत होते; सुधीर आल्हाटांचा जालिंदर सुपेकरांवर गंभीर आरोप|VIDEO

अक्षय बडवे, साम टीव्ही

पुणे: वैष्णवी हगवणे मृत्यू प्रकरणात आरोपी शशांक हगवणे आणि सुशील हगवणे यांनी बनावट कागदपत्रांच्या आधारे पुणे पोलिसांकडून शस्त्र परवाना मिळवला. या निमित्ताने पुणे पोलिसांनी गेल्या ३ वर्षात ५०० पेक्षा जास्त शस्त्र परवाने दिल्याचे समोर आलं. असं असताना पुण्याचे तत्कालीन पोलिस आयुक्त अमिताभ गुप्ता आणि तत्कालीन अपर पोलिस आयुक्त जालिंदर सुपेकर यांनी मोठी आर्थिक उलाढाल केल्याचा आरोप आर टी आय कार्यकर्ते सुधीर आल्हाट यांनी केला आहे. एका परवान्यासाठी गुप्ता आणि सुपेकर हे २० लाख रुपये घेत होते असा आरोप आल्हाट यांनी केला आहे. परवान्याचा अहवाल पुढे पाठवण्यासाठी पोलिस निरीक्षक किंवा पोलिस उपायुक्त यांच्यावर देखील दडपण असायचे कारण गुप्ता आणि सुपेकर हे जोडगोळी होते असा आरोप सुद्धा आल्हाट यांनी केला आहे.