Pune Municipal Corporation: पुणे महानगरपालिकेत प्रवेशासाठी नवी नियमावली लागू

पुणे महानगरपालिकेत प्रवेशासाठी नवी नियमावली लागू करण्याची तयारी सुरू आहे. बॉम्बच्या धमकीनंतर सुरक्षा वाढवण्यासाठी हा निर्णय घेण्यात आला आहे, मात्र या नियमावलीला ठाकरे सेनेने जोरदार विरोध केला आहे. नव्या नियमांमुळे सामान्य नागरिकांना त्रास सहन करावा लागेल, अशी प्रतिक्रिया वसंत मोरेंनी दिली आहे. भाजपच्या लोकांनाही हे नवे नियम लागू असतील का, असा सवालही त्यांनी उपस्थित केला आहे. महापालिकेच्या महापौर कार्यालयाला ई-मेलद्वारे बॉम्ब स्फोटाची धमकी मिळाल्यानंतर महापालिकेतील सुरक्षा व्यवस्थेचा मुद्दा पुन्हा ऐरणीवर आला होता. या पार्श्वभूमीवर मंत्रालयाच्या धर्तीवर महापालिकेत येणाऱ्या अभ्यागतांसाठी स्वतंत्र नियमावली तयार करण्याचा निर्णय स्थायी समितीने घेतलाय. पुढील दहा दिवसांत त्याचा मसुदा समितीपुढे सादर केला जाणार आहे.